Ka shkuar në 842 numri i të prekurve me koronavirus në vend me 10 raste të reja në 24 orët e fundit.
Nga 275 teste që janë kryer, 3 kanë rezultuar positive në Tiranë, 3 në Krujë, 2 në Shkodër dhe 2 në Kamëz.
“Që nga fillimi i epidemisë deri më sot janë konfirmuar pozitivë me COVID-19 në të gjithë vendin 842 qytetarë, ndërsa 605 prej tyre tashmë janë shëruar. Në të gjithë vendin aktualisht janë 206 persona aktivë me COVID-19”, tha Dr. Rovena Daja.
Pjesa më e madhe e të prekurve po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi”, aktualisht janë të shtruar 38 pacientë dhe vetëm 7 prej tyre janë në terapi intensive.
Shpërndarja gjeografike e rasteve aktive është si vijon:
Tiranë 96
Krujë 69
Shkodër 16
Kamëz 8
Kurbin 4
Elbasan 3
Fier 3
Mirditë 2
Berat 2
Durrës 1
Korçë 1
Lezhë 1
Situata në mbarë botën:
Në nivel global, më shumë se 3.7 milionë njerëz janë konfirmuar të infektuar me koronavirusin e ri deri më tani, dhe më shumë se 260,000 kanë vdekur, sipas të dhënave të përpiluara nga Universiteti Johns Hopkins.
Ministri i Shëndetësisë i Brazilit tha për herë të parë se izolimi mund të jetë i nevojshëm për të frenuar virusin në mes të infeksioneve të mëdha dhe vdekjeve në vend.
Polonia shtyn zgjedhjet e saj presidenciale të 10 majit pas bllokimit të vendit. Zgjedhjet presidenciale ishin planifikuar të zhvillohehin të dielën. Partia në pushtet dëshiron të zhvillojë zgjedhdjet me votim postar për shkak të pandemisë, por opozita kundërshton me forcë, duke thënë se zgjedhjet nuk do të ishin transparente ose të drejta.
Një zyrtar i lartë gjerman i Shëndetësisë paralajmëroi se mund të ketë një valë të dytë të koronavirusit përpara vjeshtës në varësi të sjelljes së njerëzve, pasi vendi ka marrë masa lehtësuese hapjeje për ekonominë e tij.
Pasi u përfol se do të shpërbënte ekipin e Task Forcës që merrej me COVID-19, Presidenti amerikan Donald Trump tha se grupi i urgjencës që merret me përgjigjen e administratës së tij ndaj shpërthimit të koronavirusit nuk do të tërhiqet dhe përkundrazi do të vazhdojë punën e tij “për një kohë të pacaktuar”.
Rusia regjistroi 11.231 raste të reja të koronavirusit, një rritje rekord ditore që ngriti bilancin e të prekurve në 177.160. Task Forca e Rusisë tha se 88 njerëz vdiqën brenda natës, duke e sjellë numrin e vdekjeve në 1.625.
Moska, zona me goditjen më të keqe, gjithashtu raportoi një rritje rekord brenda një nate me 6.703 raste të reja.
Komisioni Kombëtar i Shëndetit në Kinë raportoi dy raste të reja të koronavirusit më 6 maj.
Të dy ishin të ashtuquajtura raste të importuara nga udhëtarët nga jashtë. Numri i përgjithshëm i rasteve të koronavirusit në Kinë tani arrin në 82.885, ndërsa numri i vdekjeve mbetet i pandryshuar në 4,633.
/Iconstyle.al
