Shumë nga personazhet e njohur të ekranit kanë qenë miq me njëri-tjetrin. Po ka nga ato histori miqësie që kanë mbetur gjysmë ose janë kthyer në armiqësi, për një arsye apo një tjetër. Më poshtë mudn të shihni disa nga miqësitë më të forta të shoëbiz-it shqiptar, të cilat tashmë janë kthyer në armiqësi po aq të forta.
Noizy dhe Enca
Një intervistë e këngëtares Enca Haxhia për Prive, është bërë shkas për një zënkë mes saj dhe kreut të grupit OTR, reperi Noizy. Përgjigja e Encës mbi Universal Music dhe se si ajo u pranua falë forcave të saj dhe stafit në këtë kompani prestigjioze muzikore, e ka nxehur keq Noizy-n, i cili më herët ka treguar se ka qenë ai që e ka futur Encën në këtë kompani. Në një postim në Instagram, Noizy i thotë Encës se nuk është turp të thuash që më ka ndihmuar grupi: “Ti dhe “stafi” keni hyrë në Universal me forcat e tua? Cili staf? Shoferi i makinës Apo make up artist!? Mos harro se as nuk të njihnin dhe u desh të bisedoja 30 min me to për ty dhe që vendosëm të japim një shans, dhe gjithë kjo bisedë është e inçizuar për prova. Shko thirr gazetarët prap dhe jep intervistë të saktë, pa rrena, se s’ke arsye. Deri atëherë je jashtë grupit OTR”.
Elvana Gjata dhe Flor Mumajesi
Pas largimit nga labeli “Threedots”, Elvana Gjata i tronditi të gjithë me prishjen e një nga miqësive më të njohura të shoëbiz-it, asaj me Flori Mumajesin. Për ta është aluduar gjithnjë për një lidhje dashurie. Prej kohësh Elvana nuk është më pjesë e labelit “Threedots” dhe tashmë synon dhe investon vetëm në tregun ndërkombëtar. Këngëtarja do të risjellë disa projekte të reja që do të mbajnë vulën e një bashkëpunëtori të huaj. Jason Boynd, i cili njihet për krijimet e suksesshme që ka realizuar për kënëgtarë si Usher “Confessions” dhe Justin Bieber tek këngët si ‘Ëhat do you mean’ si dhe Sirota, që njihet për punën e bërë me Justin Bieber apo me Drake, do të risjellin fuqishëm Elvanën në muzikë.
Ledri Vula dhe Skivi
Visar Shala i njohur si Skivi, ka thënë se është ndier paksa i tradhtuar nga ish-bashkanëtari i tij te grupi Skillz, Ledri Vula, i cili iu kthye muzikës si solo këngëtar, pasi grupi i tyre u nda. Gjatë një bisede për Prive të Klan Kosova, reperi ka treguar se ai dhe BabaStars e kishin pranuar vendimin e Ledrit për t’u tërhequr nga hip-hopi dhe se shoqëria e tyre kishte vazhduar deri para Vitit të Ri. Skivi ka thënë se nuk ka qenë i njoftuar se miku i tij do t’i kthehet si i vetëm muzikës dhe se kanë pasur plane të përbashkëta për këtë vit. “Kemi pasur shumë plane për sivjet, se sivjet Skillz i bëjnë dhjet vjet. Kështu që kemi pasur të bëjmë një ‘come back’ të Ledrit shumë të mirë edhe të Skillzave në të njëjtën kohë”, ka deklaruar këngëtari. “Skillzat nuk janë ndarë, por mund të them se Skillzat e kanë humbur një anëtar të grupit”, ka theksuar ai kohë më parë.
Julian Deda dhe Gent Zenelaj
Iftuar në emisionin e Ermal Mamaqit, Julian Deda pranoi se kjo prishje e miqësisë mes tyre ishte e vërtetë, më saktë ata nuk takohen më siç bënin më parë. I pyetur se cili është shkaku i prishjes së kësaj miqësie, Julian Deda ka thënë se “as vetë nuk e di ende”. Kështu, është pala tjetër, Gent Zenelaj ai që i është “përgjigjur” në njëfarë mënyre kësaj deklarate të aktorit. Ai ka postuar në llogarinë e tij në Instagram deklaratën e Julian Dedës, pa bërë asnjë koment, ndërsa pas saj ka publikuar edhe videon e tre miqve, dikur anëtarë të The SHBLSH kur ishin pjesë e Apartamentit 2XL. Sërish, Genti ka zgjedhur të mos komentojë, ndërsa këto postime duken si një shenjë e tij për të pranuar një sqarim me Julian Dedën dhe pse jo, rikthimin e miqësisë mes tyre.
Leonora Jakupi dhe Adelina Ismaili
Edhe këto dy emra të njohur të muzikës shqiptare Leonora Jakupi dhe Adelina Ismaili kanë pasur konfrontime të ndryshme deri në fizike. Deri vonë Leonora Jakupi ka qenë në armiqësi me familjen Ismaili, deri kur mamaja e tyre Mona ndërroi jetë. Ajo duket se i ka lënë sherret mënjanë dhe i ka ngushëlluar motrat Ismaili.
Tuna dhe Dafina Zeqiri
Ato dikur kanë qenë shoqe mjaft të mira, por arsyeja pse u distancuan nuk u tha nga asnjë palë. Kujtojmë që së bashku Tuna dhe Dafina kanë bashkëpunuar në këngën “Vibe” dhe kanë marrë pjesë në klipin e Capital T, “U bë vonë”.
Albana Osmani dhe Eneda Tarifa
Gjatë kohëve të fundit në media është përfolur mjaft “sherri” mes Eneda Tarifës dhe Albana Osmanit për shkak të kopertinës të një reviste, fakt ky i mohuar nga vetë revista. Megjithatë ende nuk dihet arsyeja e vërtetë pse dy koleget dhe mikeshat i kanë ftohur marrëdhëniet mes tyre.
Rozana Radi dhe Rezarta Shkurta
Rezarta Shkurta dhe Rozana Radi kanë kaluar në kofrontime fizike disa herë duke nisur që nga pjesëmarrja e tyre në “Vip shpija” dhe më pas edhe jashtë saj ku kanë akuzuar njëra-tjetrën se janë qëlluar. Çështja e tyre ka përfunduar edhe në polici ku besohet të jetë përfshirë edhe bashkëshorti i Shkurtës.
Beatrix Ramosaj dhe Enca
Një foto tallëse që këngëtarja kosovare Beatrix Ramosaj postoi në IG për të pasmet dhe gjoksin e zmadhuar dhe menjëherë mori përgjigjen e këngëtares Enca Haxhia. Nuk vonoi edhe përgjigja e saj, e cila e vulosi armiqësinë mes tyre.“Ishim shoqe derisa të mbyti xhelozia. Por shiko tani sot? Ku je ti? Pa karrierë, pa koncerte, rri në shpi tu fol për mu. Xhelozi e pastër edhe tek koncerti i shkollës kur tentoje të sabotoje prezencën time…”-shkroi Enca postim të cilin më pas e fshiu.
Samanta dhe Ronela
Samanta Karavella dhe Ronela Hajati ishin aq të afërta me njëra-tjetrën, sa nëse kërkoje njërën, patjetër do të ishte në të njëjtin vend edhe këngëtarja tjetër. Por pas publikimit në media të një video ku Ronela ofendonte Samantën gjithçka u shua. Tashmë dy këngëtaret janë armike me njëra-tjetrën dhe madje Ronela e ka shprehur këtë shpesh me postimet e saj, por edhe me daljet apo intervistat e shumta për mediat.
