Zakonet e të ngrënit kur largohesh nga ai ambienti i rehatshëm i shtëpisë, ndryshojnë 100 % mënyrën sesi është mësuar të funksionojë metabolizmi juaj. Ushqimet, oraret apo edhe shtimi apo pakësimi i vakteve janë ndryshe nga ato me të cilat jeni mësuar në shtëpi, ndaj duhet kohë që të krijoni një rutinë.
Nëse shkoni në klasë me stomakun bosh, nuk dini se çfarë duhet të hani në mesë, ose keni porositur pica çdo natë këtë javë, atëherë po lexoni artikullin e duhur. Ju do të gjeni gradualisht ritmin duke ndjekur këto 11 këshilla për të pasur një jetë të shëndetshme në konvikt:
1.Pajiseni dhomën tuaj me këto pajisje të nevojshme, duke filluar nga një frigorifer i vogël, një mikrovalë, një fërnellë dhe një blinder të vogël.
2.Gjithmonë gjej kohën për mëngjes. Kur ju jeni duke nxituar për në klasë, prova, ose një fundjavë jashtë qytetit, mëngjesi duhet të jetë i pari që nuk duhet të kaloni. Përdorni një alarm në telefon për t’ju ndihmuar të mbani mend të merrni diçka me vete në mëngjes. Mund edh etë uleni diku rrugës për një omeletë që do t’ju japë fuqi ose të kujtoheni në darkë për të përgatitur diçka për ta marrë me vete.
3.Ndiq një rutinë dhe vendosi vetes orare. Të planifikosh të ngrënët është gjëja më e mirë që mund të bëni. Nëse jeni afër mensës, sigurohuni që shumica e ushqimeve në pjatën tuaj të ketë më shumë perime sesa ushqime me përbërje niseshteje. Nëse po shkon në klasë dhe nuk ke kohë të ushqehesh merr diçka me vete. Mos harro: Kur je me të vërtetë i uritur, merr vendime të këqija.
4.Futju gatimit. Nëse keni qasje në një kuzhinë (por pak kohë ose dëshirë për të gatuar), lehtëso gatimin me receta të lehta dhe të shëndetshme. Për shembull një vakt me tërshërë dhe kos e mjaltë do të ishte 100% më i shëndetshëm sesa një picë apo sanduiç në darkë.
5.Nëse s’ke frigorifer, s’ka problem. Mbani ushqime të konservuara dhe që nuk prishen në temperaturën e ambientit: gjalpë kikiriku, patate të skuqura, çokollatë të zezë, fruta dhe perime të freskëta.
6.Pi shumë ujë. Nuk ka asgjë të keqe të pish çdo ditë kafen e mëngjesit, por mos harroni të hidratoheni me ujë mjaftueshëm. Një mënyrë e thjeshtë për të kujtuar veten që të pish ujë është të llogaritni sa ujë keni nevojë të pini në ditë, pastaj blini një shishe me ujë dhe merreni kudo me vete.
7.Ha vetëm për vete. Të jesh i shëndetshëm do të thotë të ndihesh mirë. Mënyra si hani ka një ndikim jo vetëm në atë se si dukeni, por edhe në atë se si ndiheni. Kur hani ushqim të shëndetshëm ju bën të ndiheni mirë me trupin tuaj. Megjithatë, vetëm për shkak se shoku juaj nuk ka ngrënë karbohidrate për një muaj nuk do të thotë që duhet të ndihesh keq për atë fetë të vogël pice natën vonë. Në konvikt, secili mendon për veten e vet, dhe kështu duhet të bëni edhe ju.
8.Qëndroni larg teknologjisë Të hash para kompjuterit, telefonit ose televizorit mund të heqë kënaqësinë e ushqimit. Nëse uleni para këtyre mjeteve teknologjike për të ngrënë, ju nuk do të kuptoni se sa jeni duke ngrënë. Madje sigurohuni që edhe kur nuk jeni duke ngrënë, të ngriheni çdo orë ose çdo gjysmë ore. Është shumë e rëndësishme – të ecni dhe dilni jashtë.
9.Djersisni Krijo një rutinë stërvitjeje që është po aq e rëndësishme sa orari i ngrënies. Shkoni në palestër me një mik. Nëse rutina nuk është nuk është pika jote e fortë hyni në një klasë yoga ose Zumba.
10.Harrojeni peshoren. E çfarë të keqe ka nëse ke shtuar disa gramë! Ndodh. Harrojeni peshoren dhe filloi të jetosh kohën më të mirë të jetës, pasi nuk kthehet më.
Përshtatur nga Teen Vogue
