Këmishët janë një nga veshjet që të nxjerrin gjithmonë nga situata. Mjafton një këmishë, kombinimi i duhur dhe do të dukesh gjithmonë e veshur dhe trendi.
Pjesa më e vështirë dhe më e rëndësishme njëkohësisht është kombinimi i ngjyrave dhe modeleve me veshjet dhe aksesorët e duhur. Është e domosdoshme që veshjet të përshtaten sipas rastit për t’u dukur “in” si në punë, në shkollë, festë, event, takim zyrtar, apo dhe në kohën e lirë.
Estela Ujka, një ndër blogeret shqiptare më të ndjekura na vjen në një stil mjaft klasik, por dhe të bukur. Një këmishë e mbërthyer deri në fyt e kombinuar me një kostum me kuadrate që është shumë në modë kohët e fundit.
Armina Mevlani shfaqet me një këmishë marinari të bardhë, të cilën e ka kombinuar me një palë xhinse blu me shtrat të lartë dhe si për të thyer ngjyrat ka vënë një kapele të kuqe që e ka kombinuar me një çantë po të kuqe.
Këngëtarja Elvana Gjata, e cila pas një mungese të gjatë është rikthyer në Shqipëri dhe është parë së bashku me Poor Bear në një studio muzikore. Ajo ka zgjedhur të veshë një këmishë me lule, të cilën e ka kombinuar me një palë xhinse të gjera dhe me atlete. Me një kombinim të duhur edhe këmishët mund t’i veshësh me një stil sportiv.
Arbana Osmani është një ndër moderatoret shqiptare që i dashuron këmishët. Atë e shohim t’i vesh këmishët si sport ashtu edhe klas. Në foton e mëposhtme ajo shfaqet më një kombinim klasik, një këmishë rozë, gati gati në nude, e ka kombinuar me një fund kafe të hapur dhe me këpucë me taka. Me buzëqeshjen që e shoqëron në fytyrë duket e ajo ndihet mjaft rehat me këtë veshje.
Alketa Vejsiu është një ndër moderatoret shqiptare më të dashura. Ajo rrezaton gjithmonë ëmbëlsi dhe mirësi. Së fundmi Akleta po kalon pushimet dimërore në ishujt Bahamas. Në përgjithësi Alketën e shohim të veshur klas, por nuk mungojnë edhe rastet kur shfaqet sport. Një këmishë e bardhë e kombinuar me një palë xhinse estarvagante dhe me këpucë sportive, çantë e kapele të zeza.
Modelja dhe blogerja e njohur Aurela Hoxha kujdeset që në postimet që bën në “Instagram” të vijë sa më provokuese. Me një stil kantri ajo ka zgjedhur një këmishë me kuadrata, të cilën e ka kombinuar me një palë pantallona të shkurtra xhins dhe me një kapele kauboj.
Avokatja dhe blogerja simpatike Irena Kita di të shfaqet gjithmonë plot shije e stil. Çdo gjë që vesh ajo vjen mjaft bukur në sytë tanë. Këmisha e bardhë nuk duhet të mungojë në gardërobën tonë. Një palë pantallona që jo çdo kush guxon t’i veshë i ka kombinuar me një këmishë të bardhë dhe me aksesorët e duhur dhe duket mjaft bukur dhe me stil.
Këngëtarja Jonida Maliqi vjen gjithmonë e bukur dhe e freskët në sytë tanë. Këmishët xhinse mund të vishen pa problem si në dimër dhe në verë. Jonida ka zgjedhur një këmishë xhins të cilën e ka sjellë me një kombinim mjaft të bukur.
Eni Koçi ka zgjedhur një këmishë të bardhë sportive, të cilën e ka kombinuar me një palë pantallona xhins te zeza dhe me atlete të bardha.
Liberta Spahiu, moderatorja e emisionit “Prive”, e cila kohët e fundit po përflitet për një lidhje me kantautorin shqiptar Flori Mumajesi na vjen me një kombinim mjaft të bukur të këmishës. Një palë pantallona xhins dhe një këmishë me vija dhe nuk del asnjëherë nga moda.
Burimi: Iconstyle.al
