Sezonit të verës është duke i ardhur fundi, e megjithatë nëse ende nuk i keni bërë pushimet tuaja, mësoni disa sekrete sesi të dukeni si një fashionista në fotot e Instagramit.
Nëse keni në plan të shkoni një fundjavë në plazh me shoqërinë tuaj, në një destinacion ekzotik ndërkombëtar, ose thjesht në pishina, do t’ju duhen disa ide të mrekullueshme veshjesh plazhi për të gjitha planet tuaja të udhëtimit.
Ajo që fashionistat e dinë mjaft mirë, është se përpos rrobave të banjës ju duhen edhe disa rroba pushimesh të hatashme dhe me stil. Fundja një foto tërheqëse nuk ka përse të jetë me bikini. Më poshtë do të shihni disa ide të mrekullueshme të rrobave të plazhit, sipas të famshmeve shqiptare, që do t’ju bëjnë të dukeni sikur keni zbritur nga pasarelat.
Liberta Spahiu na vërteton se e bardha është gjithnjë ngjyra “in” dhe mund të shkojë me çdo model rroba banjesh.
Estela Ujka sjell në vëmendje sesa bukur mund të dukesh me këtë fustan të thurur me thekë.
Lori Hoxha duket mjaft “classy” me këtë fundin rrjetë në ngjyrë të zi, kombinuar me bikinit në po të njëjtën ngjyrë.
Aurela Hoxha sjell larmishmërinë e vijave dhe ngjyrave të çelura me këto pantallona të shkurtra.
Xhesika Berberi zgjodhi këtë fustan të tejdukshëm tyli që e tregon më seksi se kurrë.
Armina Mevlani zgjedh të mbetet mjaft “comfy” me xhinset blu dhe këtë bluzë crop-top me lule.
Irena Kita duket mjaft klasike me këtë fustan të gjatë veror deri në fund të këmbëve.
Edhe ky fustan i bardhë veror me një rrip në mes do t’ju bënte të dukeshit plot sharm si Jonida Maliqi.
Beatrix Ramosaj duket akoma më me stil me këtë kimono që i shkon me rrobat e banjës trup të bardha.
Alketa Vejsiu zgjodhi këtë model fustani me supet jashtë për pushimet e saj ekzotike.
