Kur je me shoqet e tua më të mira të duket sikur çdo gjë është më e thjeshtë. Nëse bëhet fjalë për të mësuar sesi të sillesh në gjimnaz, si të bësh shoqëri, si të takohesh me një djalë apo si të vishesh, shoqet janë ato që pyeten të parat dhe të vendosin në rrugën e duhur.
Kush tjetër do të dëgjonte sesi u soll djali që kishe fiksim disa vite më parë, apo se si ai tipi i çuditshëm me të cilin talleshit në shkollën e mesme, tani është “i duhuri”? Më poshtë do të shihni se cilat janë 10 fazat e miqësisë që çdo grup vajzash ka përjetuar. Me siguri jeni edhe ju:
1.Vlerësimi i ulët për veten
Le ta pranojmë, koha e shkollës së mesme ka qenë një ferr i vërtetë veçanërisht në vitin e parë, të paktën deri sa gjen dikë që ndan të njëjtat “halle” si ty, si për shembull ajo bluza e gjerë që të kishte blerë mami dhe duhej ta vishje, apo shoqërimi nga prindërit në shkollë.
2.Më merr në telefonin e shtëpisë
Mund të kesh qenë gjithë ditën me të, të kesh ndarë drekën me shoqen e ngushtë, por sërish kur ndahesh i thua: “Më merr në telefon dhe më thuaj si do të shkojnë punët”.
3.Kur bëheshit një grup dhe kërcenit
Të paktën 78% e vajzave në shkollën e mesme kanë provuar një herë taktika të reja kërcimi në grup dhe kanë konkurruar. Dhe mos thoni që nuk e keni bërë!
4.Kur kishit fiksim të njëjtin djalë
Nëse ishit në një grup shoqëror atëherë fillonit të përdornit “nofka” për atë djalin që kalon çdo ditë para derës së klasës tënde, ose vjen e flet me një shoqe/shok nga klasa jote.
5.Kur vishnit thuajse çdo gjë njësoj
Nuk mendohet fjalë për individualitetin në gjimnaz, përkundrazi: Unë dua ato atletet që ka ajo dhe pikë!
6.Përçarja nga shoqet
Teksa rritemi, meshkujt fillojnë e ndërhyjnë në jetën tonë dhe ndodh që papritur t’i ndjen xhelozi për shoqen tënde dhe kaq është, ndahesh. Themelet e shoqërisë tronditen dhe problemet e përditshme ju ndajnë nga njëra-tjetra.
7.Gati për festë
Ka një fazë që çdo vajzë e kalon kohën duke menduar vetëm për festa, çfarë të veshë, kalon disa orë duke bërë përgatitje në shtëpi duke e kthyer dhomën përmbys dhe në fund përfundon duke i kërkuar shoqes borxh një fustan.
8.Udhëtimi me shoqet
Ky njihet ndryshe edhe si arratisja më e bukur shoqërore të cilës nuk do t’i thoshe asnjëherë “jo”.
9.”Lamtumirë shoqja ime”
Një nga momentet më zemërthyese është kur ndahesh nga shoqja jote më e mirë dhe je e detyruar të mos ta shohësh për një kohë shumë të gjatë.
10.Ribashkimi i grupit
Kur kthehemi në shtëpi pas disa muajsh larg, gjëja e parë që duam të bëjmë janë të takojmë shoqet tona dhe t’i kthehemi edhe njëherë kujtimeve dhe emocioneve që ndieje kur kaloje kohë me to.
Përshtatur nga Daily Mail
