Kur flasim për veshjet e personazheve të njohur të ekranit jemi mësuar me shifra të mëdha, që shpeshherë në varësi të markave që zgjedhin, shkojnë në mijëra dollarë.
Ndaj dhe nëse femrat ose meshkujt e famshëm shqiptarë, publikojnë një foto me një veshje të bukur, menjëherë na shkon mendja ku e ka blerë dhe sa ka shpenzuar.
“Iconstyle.al” sjell sot disa nga veshjet më të lira që kanë veshur ndonjëherë të famshme si Luana Vjollca, Lori Hoxha, Morena Taraku etj, që njihen për gardërobën e tyre të kushtueshme.
Sot do t’ju demonstrojmë se edhe me veshje nën 50$ mund të dukesh një fashionist/a, si këta të famshëm shqiptarë.
Elvana Gjata dhe Bora Zemani u shfaqën kohë më parë me një T-Shirt në ngjyrë të kuqe nga Zara. Përpos faktit që dukeshin shumë bukur dhe me stil, kjo bluzë ishte dhe e lirë dhe shkonte vetëm 20 euro.
Sandalet më të lira që i kemi parë ndonjëherë fashionistes Lori Hoxha, kanë qenë një palë që kushtonin vetëm 29 paund. Blogerja vërtetoi se mund të vishesh bukur edhe me çmime të përballueshme.
Ky fustan gjithashtu duhet të ketë merita të mëdha për këtë paraqitje që i ka dhënë fashionsitas dhe për çmimin e përballueshëm 56 euro.
Luana Vjollca gjithashtu nuk shpenzon shuma marramendëse në të gjitha paraqitjet e saj. Ky jumpsuit i “Prettylittlething” kushton vetëm 29 dollarë dhe i rri perfekt.
Morena Taraku njihet si “pasanikja e showbiz-it”, por prapë së prapi nuk i përjashton ato veshje që duken bukur në trupin e saj edhe pse janë lirë. Ky fustan xhins i Zara-s, kushton 40 euro dhe mund të themi që është një ndër veshjet më të lira të saj.
Jo vetëm femrat, por edhe meshkujt dinë sesi të duken bukur pa shpenzuar shumë. Këngëtari Butrint Imeri veshi këtë T Shirt 10 euro dhe sërish mori qindra pëlqime në Instagram.
