Në 28 nëntor të vitit që lamë pas, Gold Ag dhe bashkëshortja e tij, Ermira Shkodra, u bekuan me një djalë që e pagëzuan me emrin Gueril. Disa muaj më parë Guerili mori edhe nënshtetësinë shqiptare, por ne nuk ishim njohur ende me të voglin. Gold Ag është përpjekur ta mbajë larg syrit të publikut, duke mos publikuar asnjë foto të portretit të tij.
Për këtë arsye ne jemi bërë të gjithë kuriozë të dimë se kujt i ngjan vogëlushi, ndërsa këtë kuriozitet na e shuajti vetë reperi sot.
Në 1-vjetorin e lindjes së Guerilit dhe në një ditë të shënuar për Shqipërinë, Ditën e Flamurit, Gold AG ka lançuar këngën e re që i dedikohet djalit të tij dhe Shqipërisë po ashtu.
“Gueril” titullohet projekti ku pamë për herë të parë edhe portretin e vogëlushit 1-vjeçar.
View this post on Instagram
“28 nëntorin unë e kam dashur gjithmonë, e ka dashur babai im, e kanë dashur familjarët e mi, e duan gjithë shqiptarët faktikisht, por ardhja në jetë e djalit në datë 28 nëntor ishte diçka… unë u bllokova komplet. Edhe para se të lindte na thoshte gjinekologia, do lindë në fund të nëntorit dhe unë mendoja me vete ishallah në datë 28. Është një datë që unë s’do e harroj kurrë, edhe sikur mos të më kishte lindur djali, por tashmë më ka dhënë një ndjenjë shumë më të mirë edhe i jam falenderus pafund Zotit”, u shpreh reperi më herët.
