Pavarësisht problemeve të shumta që kanë kaluar gjatë këtij viti, Justin Bieber dhe Hailey Baldwin ja kanë dalë më së miri të ruajnë e forcojnë marrëdhënien e tyre të dashurisë. Këtë përvjetor të parë të martesës, ata ndihen më të dashuruar se kurrë dhe gjithçka që ndjejnë ja kanë shprehur njëri-tjetrit publikisht në rrjete sociale, duke marrë vëmendjen e të gjithëve.
Ishte Hailey ajo që publikoi e para një dedikim special për bashkëshortin, ku e uronte për ditën e tyre të rëndësishme dhe tregoi se zemra e saj i përkiste Justin-it përgjithmonë.
Ndërsa pak më parë, edhe Justin ka shkrirë zemrat e të gjithëve me një shkrim romantik për partneren krahas fotos së tyre të shkrepur në Disneyland.
“I dashuroj takimet me ty zemër. Një ditë do të bëj takime baba-vajzë. Nuk po lë të nënkuptohet asgjë, nuk e kam me nxitim. Thjesht dua të të shijoj ty pranë vetes për pak kohë.”- shkruante këngëtari krahas postimit.
