Dasma e Meghan Markle me princin Harry në maj të vitit të kaluar, ishte plot momente prekëse, veçanërisht kur dhëndri pa për herë të parë nusen në altar.
Një vit më vonë, çifti tashmë prindër të një djali- Archie-t- publikuan një fotomontazh me momente të papublikuara nga prapaskenat, përfshirë një moment mes mamasë së nuses- Doria- dhe Meghan Markle, të lumtura si asnjëherë më parë në ditën më të rëndësishme të jetës.
Videoja u publikua edhe në Instagram-in zyrtar të Dukës dhe Dukeshës së Sussex-it, bashkë me një shpjegim për këngën e zgjedhur nga vetë çifti për ceremoninë.
“Gëzuar 1-vjetorin e martesës Lartmadhërive të Tyre, Duka dhe Dukesha e Sussex-it!”
“Kënga e përzgjedhur, “This Little Light of Mine”, u përzgjodh nga vetë çifti për ceremoninë e betimeve. Urojmë që ta shijoni rijetimin e këtij momenti, duke parë disa foto nga prapaskenat e kësaj dite të veçantë.”
Në 19 maj të vitit të kaluar, Meghan Markle dhe Princi Harry u shpallën burrë e grua në Kishën e Shën George-it. Ceremonia u ndoq nga rreth 29 milion njerëz në 15 televizione të vendeve të ndryshme të botës.
Ndër momentet më të paharrueshme qe pritja plot emocione e princit Harry para se Meghan Markle të hynte brenda për të ecur drejt altarit.
Gjithashtu, pamjet e mamasë së Meghan-it, Doria, e përlotur për realizimin e ëndrrës së vajzës së saj.
