Ditën e sotme, vogëlushi i Almeda Abazit dhe Tolgahan Sayisman ka mbushur plot 1 vit nga ardhja në jetë.
Megjithëse në karantinë, nuk ka munguar një festë e veçantë për të voglin, momentet e së cilës aktorja i ka ndarë sot me ndjekësit në rrjete sociale.
Për Almedën dhe Tolgën, ky vit ka kaluar shumë shpejt dhe prindërimi ka qenë gjëja më e veçantë e kësaj periudhe.
Në llogarinë e tij në Instagram, aktori ka ndarë emocionet e të veçantat e këtij viti si baba për herë të parë.
Ai ka publikuar një foto të ëmbël të Efehan-it, si dhe një foto ku shfaqet krah Almedës me barkun e rrumbullakosur, teksa kishte të voglin në bark.
“Kam kaluar vitin më të shepjtë të jetës sime. As nuk e kuptuam kur lindi Efehan dhe kur festuam 1-vjetorin e tij. Falenderoj zotin që arrita këtë ditë. Uroj që zoti im të bekojë të gjithë. Falenderime për të gjithë miqtë tanë afër dhe larg që na uruan me mesazhet e ditëlindjes dhe lutjet e tyre”- janë fjalët e tij krahas postimit.
https://www.instagram.com/p/B_0LKeDHPmp/?utm_source=ig_embed
Gjithashtu Almeda ndau në Instagram një foto me të voglin 1 muajsh, krahas së cilës shkruante:
“1 muaj në këtë foto, 1 vit tani. Zemra ime është 1 vit tani. 05.05.2019”
