Si sot 1 vit më parë, Rudina Dembacaj përjetoi ngjarjen më të dhimbshme të jetës. Aktorja e njohur humbi babain e saj, i cili vuante nga një sëmundje e rëndë. Ai nuk arriti ta fitonte betejën me sëmundje dhe në 8 korrik të 2020-s mbylli sytë përgjithmonë.
“I shtrenjti im, më thave shpirtin. Lamtumirë diell zemre! Shko pranë Zotit, Rexhep Dembacaj”, shkroi Rudina pasi dha lajmin e hidhur në rrjete sociale.
Sot ka kaluar 1 vit nga lagimi i tij nga kjo botë dhe Rudina vazhdon të ketë po të njëjtën dhimbje. Ditën e sotme ajo ka shkuar pranë varrit të babait dhe ka ndarë një foto në rrjete sociale. Ajo shprehet se babai do të jetë gjithmonë i paharruar për të dhe se nuk mund të ketë jetë të lumtur nëse nuk e kujton atë çdo ditë
“Je i paharruar babush! Nuk jetohet bukur, nëse nuk të kujtoj çdo ditë. 1 vit pa ty”, shkruan Rudina.
Para pak ditësh ajo festoi ditëlindjen dhe sërish me atë rast kujtoi të atin. Rudina publikoi një foto me të shtrenjtin e saj, krahas së cilës i dedikoi fjalë rrëqethëse.
“Ba, boshllekun qe le ti, nuk e mbush dot asgje! Gezuar atje ne qiell! Me mungon ne çmenduri”, shkroi Rudina Dembacaj krahas fotos emocionuese.
