Adriana Matoshi dhe futbollisti afrikan, Keith Groeneveld, po jetojnë ditët më të bukura si të dashuruar. Çifti nuk janë treguar aspak të rezervuar që nga momenti që lidhja e tyre u bë publike.
Ditën e sotme Keith ka kujtuar dy takimet e para që ka realizuar me Adrianën dhe më pas këto takime u finalizuan me një histori dashurie. Futbollisti tregon se takimi tyre i parë ka qenë në një restorant dhe dikush tjetër i ka ndihmuar për të komunikuar përmes përkthimit.
“Ekzaktësisht 1 vit më parë. Takimi ynë i parë”, shkruan Keith përkrah fotos.
Ai ka treguar se më vonë e ka ftuar aktoren për një udhëtim në mal, por ajo nuk ka pranuar. Ndërsa takimin e dytë e kanë bërë në Prizren dhe Adriana i ka treguar gjithë historinë e qytetit.
“Javën e ardhshme unë e ftova atë që të vinte me mua në male me këtë motor, por ajo nuk erdhi. Takimi i dytë, ata më treguan Prizrenin. Një ditë shumë speciale”, shkruan ai përkrah imazheve të tjera.
Kujtojmë se para pak javësh Keith i bëri një surprizë shumë speciale Adrianës. Ai i bëri një surprizë shumë të këndshme në emisionin “Dua të të bëj të lumtur”. Keith Groeneveld tregoi se njohja e tyre ka qenë e rastësishme, por Adriana është kthyer në njeriun më të rëndësishëm për të.
“Para së gjithash më ke munguar dhe unë të dua, dua ta nis me këtë gjë. Jam shumë i lumtur që të shoh dhe mezi po pres që ky ekran të hiqet. Ti meriton të jesh e lumtur dhe unë dua të bëj diçka të veçantë tani, sepse ti je e veçantë. Ti je gruaja më e veçantë në botë”- tha ai.
View this post on Instagram
