Çifti simpatik i ekranit shqiptar, Orinda Huta dhe Turjan Hysko u bekuan më 15 korrik me një vogëlushe, të cilën e pagëzuan me emrin Atara. Sot është bërë 1 muaj nga lindja e të voglës dhe në shtëpinë e Orindës dhe Turit ka festë.
Huta ka ndarë në Instagram një video të shkurtër, në të cilën shihet se ata kanë përgatitur një tortë për 1-mujorin e lindjes së Atarës. Në video, Orinda shihet duke mbajtur të voglën, që e ka vendosur përballë tortës.
“Atara ime është 1-muajshe”, shkruan Orinda përkrah videos me vogëlushen.
Menjëherë pas ardhjes në jetë të Atarës, Turi ndau në rrjete sociale një foto me vajzën, duke i zbuluar edhe portretin e ëmbël.
“Atara lëre TikTok-un, vrap gjumë tani!“, shkroi Turi përkrah fotos me vajzën.
View this post on Instagram
Që nga ai moment kaq i rëndësishëm për jetën e dyshes, ata nuk kanë ngurruar dhe kanë ndarë foto të vogëlushes në rrjetet sociale duke shprehur gjithë gëzimin që ata kanë.
Gjithashtu para pak ditësh dyshja festuan përvjetorin e katërt të martesës më të plotësuar dhe më të lumtur se asnjëherë më parë.
Vitet kanë kaluar shumë shpejt e kjo ditë e veçantë nuk kishte si të kalonte pa u kujtuar nga vetë Turi, i cili nuk ngurroi të bënte dedikimin më special për dashurinë e tij.
“Gezuar pervjetorin e katert te marteses @orindahuta! Cdo dite zbukurohesh! 27/07/2017”, ishin fjalët me të cilat Turi uroi moderatoren, që e kishte pikturuar përkrah një fotografie me Atarën.
View this post on Instagram