Si sot 1 muaj më parë, Gold Ag dhe partnerja e tij, Ermira Shkodra u bënë prindër për herë të parë. Çifti u bekuan me një djalë, që e pagëzuan me emrin Gueril. Ky emër u diskutua gjatë dhe më pas reperi u detyrua të shpjegonte domethënien e tij.
“Gueril është një luftëtar që sulmon armikun në befasi me grupe të vogla. Përderisa ka lindur më 28 nëntor, për ditë të flamurit, për ditëlindje të Adem Jasharit, për daljen publike të Ushtrisë Çlirimtare të Kosovës, është diçka që lidhet me emrin Gueril. Ushtria Çlirimtare e Kosovës ka qenë ushtri guerile që ka vepruar në grupe të vogla kundër armiqve. Adem Jashari ka qenë luftëtar gueril. Në përgjithësi luftat tona, të shqiptarëve në trojet tona, janë bërë në stilin gueril. Kemi pasur edhe lufta frontale kuptohet por si gueril kemi vepruar gjithmonë historikisht. Kështu që gueril është ai, luftëtar që sulmon befasishëm me grupe të vogla armikun”, ka shpjeguar Gold Ag.
Sot i vogli Gueril ka bërë 1 muaj jetë dhe dita në familjen Agushi ka nisur plot dashuri. Bashkëshortja e reperit ka postuar një imazh, në të cilin shihet Gold Ag i shtrirë në krevat përkrah vogëlushit. Babë e bir shfaqen me fytyrë përballë njëri-tjetrit, ndërkohë që reperi duket se e ka shijuar në maksimum këtë moment kaq të ëmbël.
“Vogëlushi im 1 muaj”, ka shkruar Ermira përkrah fotos.
