Aksesori zyrtar i dimrit 2018-2019 u vendos dhe jemi plotësisht dakord.
Nuk ka rëndësi nëse është me strehë, sportive apo në ngjyra të ndryshme, “Bereta”, është e preferuara e fashionistave shqiptare dhe të huaja këtë periudhë.
Mjafton ta kombinoni siç duhet dhe do të dukeni vajza më “cool” e momentit. Sot do të flasim pikërisht për këtë model të veçantë kapeleje dhe si ta kombinojmë me veshje të ndryshme. Për të na ndihmuar me këshilla stili, fashionista Odeta Banushaj (Odetchie) vjen me 3 kombinime të ndryshme ekskluzivisht për “iconstyle.al”.
Modelet e preferuara janë ato në ngjyrat rozë pastel, apo e kuqe gjaku, si dhe ato të zeza të shndritshme, të preferuara nga bjondet. Odeta sjell dy versionet e saj të preferuara, atë të kuqe aq e kërkuar për këtë fundvit duke qenë një sezon festiv dhe atë të zezë, që mund të kombinohet lehtësisht.
Kombinimi i parë vjen plot ngjyra. Festat po afrojnë dhe ku ka më mirë sesa një pulovër e ngrohtë me ngjyrat festive, e kuqe, jeshile dhe e verdhë, mund të kombinojë me këtë “Beretë” në ngjyrë të kuqe.
Odeta guxon me këtë look dhe sjell një stil thuajse “monochrome”, duke e thyer pak me një palë çizme në ngjyrë lejla të errët dhe një çantë në ngjyrë gurkali.
Kombinimi i dytë vjen më casual. Xhinset e bëjnë sportiv këtë look, por xhaketa treçerekshe në ngjyrë portokalli dhe çizmet me takë, i japin një tjetër hijeshi paraqitjes që bëhet edhe më chic me “Beretën” në ngjyrë të zezë.
Ngjyra e kapelës shkon mjaft mirë me atë të aksesorit, çantës me temina që mund të mbahet në krahë.
Kombinimi i tretë vjen me një sërë dizanjesh të ndërthurura me njëra-tjetrën, që janë tepër në modë këtë dimër.
Printi i leopardit tek këpucët me takë, vijat dhe kuadratet te çanta e shpinës kombinojnë me “Beretën” dhe një pelush e errët. Për ta thyer, Odeta ka veshur një golf dhe një palë pantallona ngjyrë kafe.
