Të dhënat alarmante të OKB-së mbi popullsinë tregonin për një rënie drastike të rinisë shqiptare. Por ka një zgjidhje dhe është pikërisht ajo që të gjithë ëndërronim!
Kreu i partisë LIBRA, Ben Blushi, përfshin në premtimet e tij të para elektorale në prag të fushatës zgjedhore, edhe planin për të luftuar tkurrjen e popullsisë.
Si do të zgjidhet? Do të jepen 1.000 euro për çdo bebe të lindur! Kushti: Është vetëm projekt i partisë LIBRA.
Kjo praktik është e njohur nga shumë vende të botës. Kujtojmë vetëm së fundmi Italinë, e cila ofroi 800 euro për çdo bebe të sjellë në jetë, për të promovuar kështu lindshmërinë dhe kërkesat nga nënat e reja për bonusin e madh kanë qenë të jashtëzakonshme.
“LIBRA, 1000 EURO PËR ÇDO BEBE
Shqipëria po plaket dhe po tkurret. Në një dekadë kemi lindur 50.000 bebe më pak se një dekadë më parë. Në vitin 1990 shtoheshim me 80.000 bebe në një vit, ndërsa sot lindim 30.000 fëmijë në vit. Gjatë vitit 2016 kemi 3000 fëmijë më pak se një vit më parë. Eshtë tragjike masa me të cilën po zvogëlohemi si popull për shkak te dëshpërimit, padrejtësive, papunësisë dhe mungesës kronike të shpresës. Nëse kjo situatë vazhdon pas një dekade do jemi shumë më pak për shkak të lindjeve të ulëta dhe emigracionit masiv. LIBRA do të bëjë çdo përpjekje për ti bindur shqiptarët të mos ikin si dhe për të stimuluar lindjet duke rikthyer besimin e prindërve se Shqipëria mund të jetë një vend i jetueshëm për fëmijët e tyre. LIBRA do ndjekë një politikë të qartë kundër shpopullimit të vendit duke hapur punë për të rinjtë, duke inkurajuar kthimin si investitorë të emigrantëve në Shqipëri si dhe duke nxitur lindjet. LIBRA do paguajë deri në 1000 euro çdo familje për lindjen e një bebeje duke besuar se të shtosh Kombin sot është detyrim që shoqëria duhet ta shpërblejë!”.
Burimi: Facebook
