Justin Bieber kishte munguar në “Instagram”, por duket se ai është rikthyer fuqishëm.
Përveç se një këngëtar i suksesshëm, Bieber ka edhe një sens të madh humori. Ai sigurisht që nuk e ka pritur aspak mirë lajmin për lidhjen e The Weeknd dhe ish-it të tij, Selena Gomez, dhe sa herë i është dhënë mundësia, e ka sharë muzikën e Abel. Por nuk do e besonim asnjëherë që “Starboy” e The Weeknd, është kënga e tij e preferuar. Ja dëgjojeni teksa e thotë vetë në një video Live në Instagram.
“Kënga e preferuar për momentin?” dikush e pyet Justin. Dhe pasi mendohet rreth pyetjes, ai përgjigjet: “Starboy e The Weeknd”.
Dhe pikërisht kur të krijohet përshtypja se ai ka ndërruar mendim për muzikën e të dashurit të Selenës, këngëtari kanadez fillon të qeshë në mënyrë histerike. E kuptuam, ishte thjesht një ironi!
Burimi: TMZ
