Ish-bashkëshortja e Elvis Presley, Priscilla u shfaq të mërkurën në emisionin “Loose Women”, ku foli për sfidat me të cilat është ballafaquar gjatë martesës së tyre gjashtëvjeçare.
E lindur në familjen Beaulieu, modelja dhe aktorja u takua me Elvis Presley, kur ishte vetëm 14 vjeç. Ai shërbente në ushtrinë amerikane, në Gjermaninë Perëndimore në të njëjtën kohë me babanë e saj, një oficer i Forcave Ajrore.
Elvis ishte 10 vjet më i madh dhe një yll i njohur ndërkombëtarisht. Çifti u martua kur ajo ishte 21vjeç dhe u zhvendosën në shtëpinë e tij në Memphis- ku kaluan një jetë e vështirë.
“Shpërngulja në Graceland, aty ku ai kishte rrethin e tij të brendshëm. Sigurisht që më pushtoi dhe mua por unë kurrë nuk e kuptova. Ne nuk dilnim jashtë. Ai nuk pëlqente të dilte në restorante, sepse njerëzit e fotografonin dhe nuk donta ta shihnin …duke ngrënë”.
“Fjalë për fjalë ne kemi jetuar në një flluskë”, shtoi ajo.
Gjatë gjashtë viteve të martesës, Priscilla u mundua të ruante atë që ajo e quan anën “mistike” në marrëdhënien e tyre. Elvis kurrë nuk e shikonte atë pa grim apo ndërsa ajo ishte duke u përgatitur.
“Ka ca gjëra që i mban për vete”, shpjegoi ajo. “Ai kurrë nuk donte të më shihte duke u veshur. Ai donte të shihte rezultatin e të qenit gati”.
Burimi: Harper’s Bazaar
