Nuk ka asgjë të gabuar që të frymëzohesh nga më të mirat! Prej vitesh stili i këngëtares me famë botërore Jennifer Lopez, ka qenë burim inspirimi për ekstravagancën dhe klasin.
Këngëtarja shqiptare, Bleona Qerreti, nuk e ka mohuar në asnjë rast, se në momentin që i pëlqen një paraqitje nga të famshmet e “privatizon” atë trend.
Ajo është ndër të paktat që pranon se frymëzohet nga më të mirat. Vetëm pak kohë më parë Bleona postoi një foto ku shfaqet e veshur me të njëjtin fustan si Beyonce, ndërsa përbri fotos shkroi: “Dy femra të fuqishme, të pavarura”.
Tashmë këngëtares duket se i ka pëlqyer kaq shumë veshja e Jennifer Lopez, sa ka zgjedhur që të shfaqet me të në një nga emisionet rozë.
Veshja me dy pjesë, e gjitha në të bardhë dhe me tyl në pjesën e sipërme, u shkon kaq mirë dy këngëtareve sa vështirë të veçojmë njërën prej tyre.
Burimi: Iconstyle/Instagram
