Ndërsa Kendall Jenner u zgjodh si imazhi i ri i “Pepsi”-it, ajo që ra në sy veç ngjyrës së flokëve për fansat, ishte përfshirja e detajit të protestës. Përdoruesit e mediave sociale kritikuan modelen dhe reklamën për përvetësimin e kulturës së rezistencës dhe të protestës për të shitur pijen me gaz.
Vet kompania “Pepsi” vendosi që të qëndrojë në mbrojtje të modeles 21-vjeçare, duke theksuar se “reklama përcjell një mesazh të rëndësishëm”:
“Kjo është një reklamë ndërkombëtare që reflekton njerëz që vijnë nga jetë të ndryshme, të cilët bashkohen me shpirtin e harmonisë dhe ne mendojmë se është një mesazh i rëndësishëm për t’u përcjellë”, tha Pepsi për “TheWrap”.
Por shumë kritikues nuk pajtohen me këtë ide.
Në reklamë, Jenner shfaqet me paruke bionde duke pozuar për fotografët, ndërsa përpara saj po zhvillohet një marshim për paqe.
E inkurajuar nga protestuesit, Jenner heq paruken, hyn mes turmës dhe sjell paqe në skenë, duke i ofruar oficerit të policisë “Pepsi”.
“Jo Pepsi. Jo Kendall Jenner. Nuk jeni zgjuar. Nuk mund ta besoj se imituat lëvizjen e “fuqisë së lules” për të shitur pije me gaz”, komentoi dikush.
“Duhet të shkoni diku me këtë reklamë të shurdhër dhe të cekët”, ishte një tjetër kritikë.
Kritika e dikujt tjetër ishte: “Kendall Jenner dhe Pepsi: Dy emra që nuk duhet të përdoren në lidhje me lëvizjen e rezistencës”.
Burimi: TheWrap
