Peter Copping deklaroi pak ditë më parë dorëheqjen e tij nga roli i Drejtorit Kreativ në shtëpinë e modës “Oscar de la Renta”. Copping, i cili është zgjedhur si pasardhësi i De La Renta nga vetë dizajnuesit, ka mbikëqyrur dizajnët e markës dhe koleksionin për fustanet e nuseve që pas vdekjes së dizajnuesit, duke performuar koleksionin e tij të parë për markën shkurtin e kaluar.
Copping shkruan në deklaratën e dorëheqjes se plani i tij për t’u larguar nga Nju-Jorku janë tërësisht personale: “Pas pothuajse dy viteve në Oscar de la Renta, rrethanat personale më kërkojnë mua të kthehem në Europë. E kam dashuruar kohën time në Nju-Jork, ku shpresoj të kthehem në të ardhmen”.
Ndërsa shumë dizajnues kanë ndryshuar rolet dhe shtëpitë e modës në sezonet e fundit, ky transferim në dy vitet e fundit është ndër më të shpejtët në industrinë e karrigeve të modës. Drejtori ekzekutiv i “Oscar de la Renta”, Alex Bolen, konfirmoi lajmin për dorëheqjen e Copping, duke cituar optimizmin për të ardhmen e markës.
“Ne gjithmonë kemi qenë në biznesin e krijimeve të veshjeve të bukura dhe dy nga asetet tona më të mëdha janë studiot tona të dizajnit dhe atelieja. Skuadra jonë do të vazhdojë të punojë në koleksionin e sezonit të ardhshëm me një fokus në nivelin e sofistikimit dhe punimeve me dorë që janë shenja dalluese e markës. Ne i dëshirojmë të mirën Peter-it në përpjekjet e tij të ardhshme”, u shpreh Bolen.
Ende nuk është deklaruar se kush do të zërë vendin e Copping.
Burimi: Harper’s Bazaar
