Pete Davidson dhe Phoebe Dynevor janë zyrtarisht çift.
27-vjeçari dhe aktorja e “Bridgerton”, konfirmuan marrëdhënien e tyre përmes disa imazheve të reja të publikuara nga prestigjiozia “Daily Mail”.
Ata u fotografuan së bashku në Stoke-on-Trent, Angli teksa bënin një shëtitje nëpër fshat të përqafuar me njëri-tjetrin e duke qeshur.
Pete kishte të veshur një palë pantallona blu dhe një triko ngjyrë ulliri e një kapelë në kokë, ndërsa aktorja britanike u shfaq me një palë tuta gri e xhaketë blu.
“Page Six” konfirmoi në fillim të Prillit se Davidson dhe Dynevor po takohen , megjithëse ata nuk janë “shumë seriozë” sepse ylli i “Bridgerton” është në Angli për pjesën tjetër të vitit ndërsa fillon xhirimet e Sezonit të dytë në Netflix.
Dyshja për herë të parë u përfol në fillim të këtij viti, pasi ata u panë së bashku në Mbretërinë e Bashkuar dhe në Brooklyn, ku ajo ishte duke filmuar “Younger”.
Në një moment, ata ishin “duke mbajtur duart dhe përqafuar njëri-tjetrin” në Caversëall, Staffordshire.
“Dukej sikur ishin në një lidhje dhe ata dukeshin të lumtur së bashku”, tha një vendase muajin e kaluar.
Më herët, Davidson ishte i fejuar me këngëtaren e famshme Ariana Grande.
Në një intervistë të fundit për reperin Charlamagne postuar në YouTube, komediani zbuloi se romanca e tij me Grande-n kishte përfunduar kur vdiq ish-i i saj Mac Miller.
“Unë e dija shumë mirë se kishte mbaruar pas kësaj. Ishte me të vërtetë e tmerrshme dhe nuk mund ta imagjinoj sesi ishte. E vetmja gjë që di është se ajo me të vërtetë e donte shumë atë dhe nuk e shfaqte”.
