Adriatik Llalla shpallet “non grata” nga SHBA-të dhe nuk do të lejohet që të hyjë në tokën amerikane, pasi dyshohet se është i përfshirë në korrupsion.
Vendimi është bërë publik nga DASH. Sipas deklaratës, Sekretari i Shtetit Rex Tillerson ka shpallur publikisht “non grata” ish-Prokurorin e Përgjithshëm Shqiptare (z.) Adriatik Llalla në bazë të nenit 7031 (c) të Ligjit për Buxhetin e Konsoliduar të FY 2017 për shkak të përfshirjes së tij në korrupsion të rëndësishëm. Neni 7031 (c) parasheh që në rastet kur Sekretari i Shtetit ka informacion të besueshëm se zyrtarët e huaj janë përfshirë në korrupsion të rëndësishëm ose në shkelje të rënda të të drejtave të njeriut, këta individë dhe anëtarët e tyre të afërt të familjes nuk kanë të drejtë të hyjnë në Shtetet e Bashkuara. Ligji gjithashtu kërkon që Sekretari i Shtetit të caktojë publikisht ose privatisht zyrtarë të tillë dhe anëtarët e familjes së tyre si të padëshiruar.
DASH i ka hequr gjithashtu shtetësinë amerikane familjes së z.Llalla.
“Sekretari po ashtu shpall publikisht bashkëshorten e z. Llalla, vajzën e tij, Eni Llalla dhe një prej djemve”, thuhet në deklaratë.
