Bayern Munchen ka zyrtarizuar trajnerin e ri të ekipit.
Drejtuesit e klubit më të madh gjerman kanë vendosur të caktojnë në krye të pankinës belgun Vincent Kompany.
Ish-futbollisti i Manchester City, i cili këtë sezon ra nga kategoria me Burnley në Angli, do të zëvendësojë kështu gjermanin Tomas Tuchel, i cili nuk fitoi asnjë trofe me bavarezët këtë sezon, gjë që nuk ndodhte nga viti 2012. Vincent Kompany ka firmosur me Bayern deri në vitin 2027.
Bayern ka sjellë Kompany pas një sërë refuzimesh në kërkimin e tyre për pasardhësin e Tuchel, me trajnerin e Bayer Leverkusen, Xabi Alonso, trajnerin e Gjermanisë, Julian Nagelsmann dhe trajnerin e Austrisë, Ralf Rangnick, që të gjithë e refuzuan detyrën.
Kompany tha për faqen zyrtare të klubit: “Unë jam duke pritur për sfidën e FC Bayern. Është një nder i madh të jem në gjendje të punoj për këtë klub – FC Bayern është një institucion në futbollin ndërkombëtar”
