Zyra e Bashkimit Europian në Tiranë ka ftuar të gjithë qytetarët shqiptarë që sot të dalin në orën 20:00 në ballkon apo dritare për të duartrokitur.
Nisma është ndërmarrë në formë mbështetje për ata që janë në vijën e parë të luftës ndaj koronavirusit, si mjekët, infermierët, profesionistët e kujdesit shëndetësor, zjarrfikësit, policët etj.
Në një postim në rrjetet sociale, u kërkohet të gjithë shqiptarëve që të bëhen pjesë e kësaj nisme.
Kujtojmë se dy javë më parë pati një nismë të ngjashme, ku qytetarët dolën në ballkone për të duartrokitur në shenjë mirënjohjeje për mjekët dhe infermierët.
Në Shqipëri janë 223 të infektuar dhe ndërsa në orët e fundit është shënuar viktima e 11 nga koronavirusi.
We are wholeheartedly #clapping our hands tonight for healthcare professionals, researchers, firefighters, policemen and everyone who is out there fighting against #Covid19. Join us by clapping tonight at 20:00 and by sharing ? emoji in comments below ⬇️ #EUsolidarity pic.twitter.com/gzEXeO8yE2
— EU in Albania (@EUinAlbania) March 30, 2020
