Një ngjarje tronditëse ka ndodhur në një familje shqiptare që jeton në Zvicër, pasi nipi i ka prerë kokën gjyshes së tij. Media zviceriane “Blick” ka identifikuar autorin e vrasjes makabre si Fatmir T.
Pasi policia ka arritur në banesë në zonën e Frauenfeld TG, ka gjetur vetëm trupin e 74-vjeçares shqiptare nga Maqedonia. I riu ishte larguar nga banesa pas krimit makabër, por policia zviceriane e kishte arrestuar në Kloten.
Dyshohet se Fatmiri kishte rregjistruar të gjithë aktin barbar në telefon, që është sekuestruar më pas nga policia. Ende nuk dihet arsyet përse i riu i mori jetën gjyshes së tij, ndërsa po hetohet për zbardhjen e ngjarjes.
