Përgjithësisht e kemi parë me një uniformë që përcakton gradën e tij ose një kostum zyrtar. Por Ardian Çipa, zv/drejtori i Përgjithshëm i Policisë, tregon se ka një shije të hollë në të veshur!
Pavarësisht se zbaton etikën e veshjes në daljet publike, e premtja njihet për lirshmërinë e paraqitjes në punë.
Çipa u dallua nga “Iconstyle” mesditën e sotme, rreth orës 13.00, pranë Drejtorinë e Policisë së Tiranës. I shoqëruar dhe nga tre persona të tjerë, zv/drejtori duket se zgjodhi të bëjë “shopping” këtë të premte, pasi iu drejtua një prej dyqaneve ndodhur në rrugën “Sami Frashëri”, ngjitur me “Swarovski”-n.
I fotografuar nga “Iconstyle”, ai u shfaq i veshur me një palë pantallona bezhë, një këmishë bojëqielli, xhaketën blu dhe me një detaj shumë me stil, një shami të kuqe në xhepin e kësaj të fundit. Ardian Çipa duket se i jep shumë rëndësi detajeve, ku në sy ranë syzet e tij të trendit të fundit, ato pasqyrë.
Qëndrimi i tij në dyqanin e veshjeve zgjati rreth gjysmë ore, ndërsa nuk dihet ende se çfarë zgjodhi Çipa për t’i bërë pjesë të gardërobës së tij.
Dhe në fund, si një xhentëlmen bëri atë gjest që shumë meshkuj sot duket se e kanë harruar! Hapi derën e pasme të makinës për femrën që po e shoqëronte.
*Shfleto galerinë
Burimi: Iconstyle
