Reperi i njohur, Travis Scott zotohet të nderojë viktimat e tragjedisë së Astroworld me anë të një iniciative të re që ai e quan Project HEAL.
Reperi i “Goosebumps” njoftoi nëpërmjet “Instagram”-it projektin e ri, ku ai thotë se është një iniciativë me shumë nivele që synon të adresojë sfidat me të cilat përballen të rinjtë e sotëm kur bëhet fjalë për bursat akademike, shëndetin mendor dhe sigurinë nëpër evente.
“Gjatë muajve të fundit kam marrë kohën dhe hapësirën për të reflektuar dhe për të bërë pjesën time në shërimin e komunitetin tim,” shkruajti Scott në postimin e tij duke njoftuar nismën e re. “Më e rëndësishmja, unë dua të përdor burimet dhe platformën time duke ecur përpara drejt ndryshimit të zbatueshëm. Ky do të jetë një udhëtim i përjetshëm për mua dhe familjen time.”
Reperi shtoi se ai dhe ekipi i tij krijuan Project HEAL “për të ndërmarrë veprime shumë të nevojshme drejt mbështetjes së zgjidhjeve reale që i bëjnë të gjitha eventet hapësirat më të sigurta që mund të jenë.”
Ai gjithashtu tha:
“Unë gjithmonë do të nderoj viktimat e tragjedisë së Astroworld që mbeten përgjithmonë në zemrën time”.
View this post on Instagram
Projekti HEAL do të funksionojë në bashkëpunim me organizatën tjetër jofitimprurëse të Scott, “Cactus Jack Foundation”, e cila ofron bursa akademike, burime falas të shëndetit mendor, një qendër dizajni dhe një zgjidhje për sigurinë nëpër evente me anë të teknologjisë.
Nisma vjen pak më shumë se tre muaj pasi tragjedisë që ndodhi në koncertin e reperit, ku 10 njerëz ndërruan jetë.
Rreth një muaj pas tragjedisë së Astroworld, Scott foli për herë të parë dhe, në një intervistë një orëshe, mohoi të kishte dëgjuar ndonjë shenjë shqetësimi nga turma ndërsa po performonte.
