Sherri mes Anxhelina Hadërgjonajt dhe kushërirës së saj Beatrix Ramosaj, duket se ka marrë përmasa familjare.
Pak ditë më parë “Iconstyle.al”, zbuloi se molla e sherrit mes të dy vajzave është bërë miku i ngushtë i Anxhelinës, grimieri i njohur Ariel.
Duke qenë një personazh i njohur në SHBA, e veçanërisht i lidhur me familjen Kardashian, Beatrix i ka kërkuar Ariel-it ta ndihmojë për t’i hapur mundësi të reja për në Los Angeles dhe kjo me sa duket nuk i ka pëlqyer Anxhelinës, e cila ndan të njëjtën shtëpi me grimierin.
Por tashmë, duket se sherri ka ndikuar edhe në marrëdhënien e Beatrix, me tezen Albërije Hadërgjonaj. As Albërija dhe as Beatrix-i nuk e ndjekin njëra-tjetrën në Instagram.
Kjo duket disi e çuditshme dhe na bën të dyshojmë për marrëdhënien e tyre, pasi vëllai i Beatrix-it, Albani e ndjek Albërijen në Instagram.
Nuk e dimë sesa do të vijojë ky sherr familjar, gjithsesi shpresojmë që Anxhelina dhe Beatrix ta gjejnë gjuhën e përbashkët dhe të kalojnë këto pengesa para se të jetë tepër vonë.
