Qeveria shqiptare ka ofruar 100 mijë euro ndihmë financiare për Greqinë për të lehtësimin e pasojave dhe dëmeve të shkaktuara nga zjarret masive të dy ditëve më parë.
Kryeministri Edi Rama e ka dhënë lajmin përmes një postimin në Facebook ku shprehet se, Shqipëria do t’i qëndrojë pranë Greqisë fqinje në këto momente të vështira:
“Shqipëria ndjehet veçanërisht pranë Greqisë fqinje në këto orë tragjike për ata që humbën të dashurit e tyre dhe po përballen me pasojat e dhimbshme të një zjarri të tërbuar! Qeveria Shqiptare sapo aprovoi një donacion në shenjë solidariteti me vëllezërit e motrat tona”.
Fondi do të përballohet nga fondi rezervë i buxhetit të shtetit.
