Prej dy ditësh pyjet e Devollit në zonën e Nikolicës janë pushtuar nga zjarri.
Ditën e parë u bë me dije se zjarrfikëset nuk mund të shkonin në këtë zonë për të shuar flakët për shkak të terrenit të vështirë, ndërsa sot situata paraqitet e vështirë.
Flakët po përhapen me shpejtësi për shkak të erës dhe po vihet në rrezik jeta e banorëve.
Në brendësi të pyllit janë gjetur edhe fishekë që shpërthejnë herë pas here.
Autoritetet lokale i janë drejtuar për ndihmë autoriteteve greke për të ndërhyrë nga ajri për shuarjen e flakëve, ndërsa deri tani nuk ka ardhur ende një përgjigje pozitive.
