Ditën e sotme, më 1 janar 2021, ka mbyllur sytë përgjithmonë aktori dhe regjisori i njohur shqiptar Dhimitër Orgocka.
Ai lindi më tetor të vitit 1936 dhe ka humbur jetën në moshën 85-vjeçare. Mësohet se Orgocka është ndarë nga jeta si pasojë e një hemoragjie celebrale.
Aktori u diplomua në Fakuletin e Gjuhës Shqipe dhe Letërsisë në Universitetin e Tiranës. Ai u vendos në krye të teatrit “Andon Zako Çajupi” në Korçë ku ka vënë në skenë 104 premiera.
Ai filloi të punojë si drejtor menjëherë pas shkollës në teatrin “Andon Zako Çajupi” të Korçës, në të cilin ka drejtuar rreth 100 premiera, ndërsa si aktor numëroi 82 role të interpretuara në teatër. Në kinematografi përmendim interpretimet te “Gjeneral Gramafoni”, “Rrugicat që kërkonin diell”, “Asgjë nuk harrohet”, “Horizonte të hapura” etj.
Dhimitër Orgocka ishte i martuar me aktoren shqiptare, Dhorkë Orgocka.
Gjatë karrierës së tij, aktori dhe regjisori i njohur u nderua me shumë tituj, ndër ta edhe “Mjeshtër i Madh”.
Filmografia
- Njerëz në rrymë – (1989), Bani Bashari
- Përsëri pranverë – (1987), Damo Bregu
- Dasëm e çuditëshme – (1986), Riza Ostrovica
- Asgjë nuk harrohet – (1985), Xha Fanja
- Gjeneral gramafoni – (1978), Zoti Misir
- Pas gjurmëve – (1978), babai i Skenderit dhe Luanit
- Flamur në dallgë – (1977) (TV)
- Rrugicat që kërkonin diell – (1975), Toger Antonio
- Yjet e netëve të gjata – (1972), Bato Kolaneci
- Horizonte të hapura – (1968)… Urani
