Pas skandalit më çiftin zviceran Loredana Zefi është kthyer në kryefjalën e mediave.
Çifti zviceran pretendon se këngëtarja nëpërmjet mashtrimeve ju ka marrë 350.000 franga dhe nuk ua ka kthyer ende.
Pas këtyre akuzave të rënda çështja i kaloi menjëherë gjykatës dhe prej disa muajsh këngëtarja është nën hetimin e tyre.
Për të ndjekur hetimet Loredana zgjodhi dy avokatë të njohur kosovarë, Tom Gashin e Artan Sadikun, të cilët ishin të pranishëm edhe në konferencën për shtyp që mbajti këngëtarja rreth dy muaj më parë.
Megjithatë së fundmi mediat kosovare shkruajnë se Loredana ka ndryshuar avokatin e çështjes dhe momentalisht ka zgjedhur Thomas Fingerhuth për të vazhduar me hetimet.
Këtë vendim Loredana e ka marrë pasi dëshiron që avokati i çështjes së saj të mos ketë shumë lidhje të afërta me prokurorinë.
