Britney Spears dhe bashkëshorti i saj, Sam Asghari, thuhet se janë ndarë pas pak më shumë se një viti martesë, pas thashethemeve për tradhti nga ana e Britney-t, megjithëse kjo e fundit po këmbëngul që nuk është e vërtetë.
“Ata janë të ndarë dhe është më e mira për Britney,” tha një burim i NBC News në një mesazh për transmetuesin – rrjeti partner i Sky News në SHBA.
Asghari ka bërë kërkesë për divorc, sipas një burimi të dytë, i cili tha se ai ishte larguar nga shtëpia që çifti ndante dhe po jeton në shtëpinë e tij.
Spears, 41 vjeç dhe Asghari, 29 vjeç, u martuan në një ceremoni të mbushur me yje në shtëpinë e këngëtares amerikane në Los Anxheles në qershor 2022.
Çifti po has probleme prej muajsh. Më parë është raportuar se Sam nuk qëndronte shumë në shtëpi ndërsa Britney kishte nisur të përplasej fizikisht me të.
Kontrata paramartesore mbron të gjitha asetet financiare të këngëtares, por në rast divorci, një çek parash prej saj mund të qetësojë raportin mes tyre.
Dokumentet e divorcit ende nuk janë finalizuar, por ka gjasa që procedurat e ndarjes të nisin shumë shpejt.
Çifti fillimisht u takua në xhirimet e videos muzikore Slumber Party në vitin 2016 dhe u fejuan në shtator 2021 pasi konservatori i saj- marrëveshja ligjore që kontrollonte jetën dhe financat e saj – dukej se po i vinte fundi.
