Kanë kaluar disa orë që nga zhdukja e presidentit të Iranit, Ebrahim Raisi, i cili po kthehej nga Azerbajxhani pas një takimi zyrtar.
Ai ka qenë duke udhëtuar në Azerbajxhanin Lindor, ndërkohë që incidenti ka ndodhur në kufi me shtetin, rreth 600 kilometra në veriperëndim të Teheranit.
Helikopteri me të cilin ai po udhëtonte rezulton ende i zhdukur, sakaq televizioni shtetëror iranian njoftoi se helikopteri me të cilin transportohej ai, është përballur me një aksident, ndërsa fati ende nuk dihet.
Shkak i kësaj situate dyshohet se është moti i keq me mjegull, shi dhe erëra të forta që kanë pushtuar vendin, ndërkohë që po ashtu këto kushte atmosferike po vështirësojnë kërkimet.
Ekipet e shpëtimit janë shpërndarë kudo në terren, por ende nuk kanë arritur ta gjejnë presidentin dhe ekipin që ishte me të.
