Franca është alarmuar pasi një avion është zhdukur gjatë udhëtimit për në Angli. Sipas mediave të huaja, në bordin e avionit të zhdukur ishte edhe futbollisti i njohur i “Premier Legaue”-s, Emiliano Sala, i cili u transferua nga Nanta te Cardiff.
28-vjeçari argjentinas mësohet se ishte rrugës për të takuar kolegët e tij të rinj të Cardiff City, pasi firmosi marrëveshjen prej 15 milionë paund.
Sipas policisë franceze, lidhja mes avionit dhe radarit u ndërpre në kohën që avioni fluturoi mbi ishullin anglez Casquets.
Në bord ishin vetëm piloti dhe lojtari, ndërsa nuk dihen ende se cilat janë arsyet e zhdukjes së avionit nga radarët rreth orës 20:30 të së hënës. Të gjithë janë shumë të shqetësuar për shëndetin e tij, ndërsa kërkimet për gjetjen e avionit vijojnë.
Ai po udhëtonte me një avion tip “Piper Malibu”, i cili ka një motor të vetëm dhe mund të mbajë 5 pasagjerë.
Burimi: Standard.co.uk
