Besart Kallaku dhe Xhensila Myrtezaj kanë qenë në qendër të vëmendjes mediatike këto ditë, pasi u përfolën se së shpejti do të bëhen prindër. Një lajm ky që u përgënjeshtrua nga Xhensila, por edhe nga motra e Besit.
Ndërsa dje Xhensila na lajmoi se po udhëtonte drejt Athinës dhe të gjithë filluan të aludonin për arsyen e këtij udhëtimi duke pasur parasysh se këngëtarja nuk kishte publikuar ndonjë datë koncerti këto ditë. Por Xhensila na zbuloi se nuk udhëtuar vetëm, por me Besin dhe çifti po shijon disa ditë pushimesh në ishullin e Santorinit. Nga ana tjetër edhe Besi i ka njohur fansat me “arratisjen” e bukur që ai dhe Xhensila kanë zgjedhur në mes të dimrit.
Xhensila ka postuar disa foto që na kanë mrekulluar me pamjen që transmetojnë. Ajo sot ka postuar në “Instagram” edhe një foto nga mëngjesi i saj në hotel, ndërsa para saj shfaqet një panoramë magjike. Epo ku ka më bukur?
