Shteti i Georgia-s do të rinumërojë me dorë votat. Kjo duket si një plotësim ndaj kërkesës së administratës së Trump që nuk pranon humbjen dhe akuzon për manipulim votrash.
Lajmi është bërë i ditur nga Sekretari i Shtetit Brad Raffensperger, i cili tha në një deklaratë për shtyp se votat do të rinumërohen pasi nga 5 milion vota në total, diferenca mes dy kandidatëve është shumë e vogël rreth 14 mijë vota.
Më tej ai shtoi se ky numërim do të vendosë njëherë e mirë rezultatin e zgjedhjeve.
“Në këto kohëra në të cilat jetojmë, mendoj se është më mirë të jemi shumë të vëmendshëm ndaj fjalës sonë. Ajo që njerëzit me të vërtetë duan në fund të ditës mendoj së është që të dy palët të kenë zgjedhje të ndershme. Për këtë kemi punuar. Duke marrë parasysh që diferenca midis Biden dhe Trump ishte shumë e ngushtë, jemi të detyruar t’i numërojmë të gjitha votat 1 më 1 në çdo zonë. “
Afati që Georgia të mbarojë numërimin e votave është 20 nëntori dhe përmbysja e rezultatit në këtë shtet mund të jetë një pikë kthese në përballjen Biden-Trump.
Kujtojmë se demokrati e fitoi shtetin e Georgia-s që konsiderohej si fushë-betejë dhe shkoi në 290 mandate, teksa nëse e humb bie në 274 vota elektorale, të mjaftueshme sërish për t’u bërë President i 46-të i SHBA.
Diferenca është shumë e gjerë teksa Trump ka vetëm 217 vota elektorale zyrtare, shumë larg fitores.
