48 orë pas mbylljes së votimeve, Shtetet e Bashkuara ende nuk e dinë emrin e presidentit të tyre të ardhshëm . Për momentin, kandidati demokrat Joe Biden është përpara presidentit aktual, Donald Trump: sipas vlerësimit të Associated Press Biden ka shënuar 264 vota elektorale, kundër 214 nga Trump.
Sipas rrjeteve dhe mediave të tjera të mëdha amerikane, numri i votave është pak më i ulët për Biden: 253 në 214 . Arsyeja lidhet me shtetin e Arizonës. Edhe duke marrë parasysh këtë llogari më konservatore, Biden është padyshim më afër fitores së Trump, pasi të parit i mungojnë 17 vota elektorale kurse të dytit 56, për të arritur në kuotën vendimtare që është 270 votat elektorale.
Edhe Pensilvania që ishte e sigurtë për Donald Trump ka kaluar në krahun e Joe Biden. Aktualisht në kanë mbetur 349 mijë vota për numërim dhe diferenca mes Trump dhe Biden është vetëm 22.389 vota.
Gjithsesi numërimi i votave po bëhet me një ritëm mjaft të ngadaltë.
Si është gjendja në të pesta shtetet
Nevada: Biden kryeson me 49.4% ndërsa Trump ka 48.5% të votave.
Georgia: Trump dhe Biden janë me rezultate të barabarta me nga 49.5% të votave secili.
Pensilvani: Trump kryeson me një diferencë të vogël. Ai ka 49.6% të votave, ndërsa Biden 49.3%.
Karolina e Veriut: Trump kryeson me 50.1% të votave, ndërsa Biden ka 48.7% të tyre.
Alaska: Trump kryeson me 62.1% ndërsa Biden ka 33.5% të votave.
Zgjedhjet në SHBA janë shoqëruar me debate të shumta.
Edhe pse Twitter vazhdon t’i bllokojë postimet, presidenti amerikan Donald Trump vijon me reagimet e tij lidhur me procesin e numërimit. Sipas kandidatit republikan, nëse numërimi do të ishte i ligjshëm, fitorja për të do të ishte shumë e lehtë.
“Nëse numërohen votat e ligjshme, unë i fitoj me lehtësi zgjedhjet! Ky është një rast kur ata po përpiqen të vjedhin zgjedhjet. Ata po përpiqen të manipulojnë zgjedhjet dhe ne nuk mund të lejojmë të ndodhë diçka e tillë”, tha Trump.
