Vitin e ardhshëm qytetarët shqiptarë do të duhet të dalin të votojnë në zgjedhjet vendore, ndërsa partitë duhet të nisin fushatat elektorale.
Zgjedhjet pritet të mbahen pas 8 muajsh dhe ditën e sotme na u dhanë dy opsione datash.
Kreu i grupit parlamentar të PS-së, Taulant Balla, zbuloi datat pas përfundimit të takimit me Presidentin Ilir Meta, lidhur me datën e zgjedhjeve të 2019-s.
Në një deklaratë për mediat ai tha se si opsion mund të jenë dy të dielat e fundit të qershorit.
“Duke falënderuar Presidentin e Republikë për vijimësinë e një tradite shumëvjeçarë për konsultimin me partitë kryesore politikë lidhur me dekretimin e datës se zgjedhjeve vendore të qershorit të 2019, zhvilluam një bisede me të. Kodi zgjedhor është i qartë, qoftë në mandatin e përfundimit të të zgjedhurve vendorë, qoftë edhe për përcaktimin e sezonit zgjedhor prill-maj qershor, që është zhvilluar dy të dielat e fundit të qershorit. Këto janë dy datat e mundshme të zhvillimit të zgjedhjeve vendore”, tha Balla.
Burimi: BalkanWeb
