Askush nuk mund ta fsheh gëzimin, pasi Shqipëria triumfoi ditën e sotme në ndeshjen më të rëndësishme të sezonit, përballë Bjellorusisë, duke siguruar kështu një biletë për në çerekfinale të “Ligës së Kombeve”.
Me 11 pikë në 6 ndeshje, kuqezinjtë rrëmbejnë kreun e grupit duke bërë një hap shumë të rëndësishëm dhe sezonin e ardhshëm të këtij turneu kalojnë në grupin B.
Kombëtarja jonë gjeti e para rrjetën me Cikalleshin në minutën e 19-të pas një aksioni mjaft të bukur. Pas vetëm shtatë minutash Cikalleshi shënoi nga pika e bardhë e penalltisë, duke e çuar rezultatin në 2-0.
Në minutën e 35-të Bjellorusia gjeti golin e parë, por Manaj thelloi më tej diferencën duke shkuar në dhomat e zhveshjes me rezultatin 3-1.
Pjesa e dytë ndezi shpresat tek kundërshtari, pasi Ebong ngushtoi diferencat në 3-2, kur ishin edhe 10 minuta lojë nga koha e rregullt.
Fundi i ndeshjes u shoqërua nga tensione mes dy kampeve, teksa Gjimshiti për skuadrën tonë u ndëshkua me karton të verdhë.
Megjithatë, Shqipëria ia doli të triumfojë e të na kthej emocionet e Europianit.
