Kosovare Asllani është pjesë e skuadrës së futbollit të femrave të Kombëtares Suedeze. E lindur në Kosovë, por më pas emigroi drej Suedisë, ajo nuk e ka harruar aspak ndjenjën e atdhetarisë. Në ndeshjen kundër skuadrës së Ukrainës, Kosovare Asllani e festoi golin duke përshkruar fushën me vrap, teksa në duar realizonte simbolin e shqiponjës, një gjest që i ngjan atij të Granit Xhakës dhe Shaqirit.
Për mediat suedeze, futbollistja me origjinë shqiptare tregoi se nuk e kishte planifikuar, por ashtu i buroi nga zemra në atë moment.
“Ishte për Kosovën, vendim tim të origjinës. Në të njëjtën kohë edhe për nipin tim, që ka mësuar të bëjë simbolin e shqiponjës. Kjo nuk është politike, gjatë Botërorit ishte diçka tjetër duke parë kundërshtarin me të cilin luhej. Kjo ishte në nder dhe një përshëndetje për nipin tim. Ishte thjesht spontane, jo e planikuar.” – tregoi ajo.
E pyetur nëse kishte frikë se dënohej Kosovare Asllani u përgjigj: “Mund ta marrin pagën time, nuk ka gjë.”
