E fejuara e Aaron Carter, Melanie Martin ka bërë një reagim mjaft prekës pas vdekjes së partnerit të saj. Ajo ka thënë për “People”, se zemra e saj është thyer plotësisht pas lajmit tronditës.
“Zemra ime është thyer plotësisht pas vdekjes së të fejuarit tim Aaron. E dija se ai po luftonte dhe u përpoqa gjithçka për ta ndihmuar”.
“Ai kishte një personalitet shumë të pavarur dhe të fortë, dhe unë nuk mund ta ndihmoja atë në mënyrën se si ndjeja se kishte nevojë për të”.
“Do të doja vetëm të kisha më shumë njerëz për të më ndihmuar me të. Tani do ta rris djalin tonë si nënë beqare dhe kjo është dita më e keqe e jetës sime, por duhet të jem e fortë për djalin tonë. Jam e shkatërruar”.
Një intervistë e Aaron Carter është rikthyer sërish në vëmendjen e të gjithëve. Ai më herët ka thënë se kishte frikë nga vdekja në moshë të re.
Mirëpo kujtojmë se artisti i njohur humbi jetën në moshën 34-vjeçare më 5 nëntor.
Por ja çfarë thoshte ai në “The Doctors”: “Që nuk do të mund të jetoj mjaftueshëm. Kjo është frika ime më e madhe”.
Aktori dhe këngëtari trishtoi shumë familjarët dhe fansat e tij.
Madje, edhe aktorja e njohur, Hilary Duff ka bërë një reagim prekës për ish të dashurin e saj të ndjerë, Aaron Carter.
Ajo publikoi një shkrim për Aaron, duke shkruar: “Për Aaron – Më vjen thellësisht keq që jeta ishte kaq e vështirë për ty dhe që u desh të luftoje para gjithë botës. Ti kishe një sharm që ishte absolutisht i zjarrtë… djali që e bëri veten time adoleshente ta donte thellësisht. I dërgoj dashuri familjes tënde në këtë kohë. Pusho i qetë,”.
