Kur bëhet fjalë për ndjesitë që na lëvizin nga brenda, dy janë kampionet e padiskutueshme: zemra e thyer dhe xhelozia. Por cila është më e dhimbshme në të vërtetë?
Zemra e thyer
Është ajo ndjesia kur gjithçka të duket bosh. Kur vendi yt i preferuar s’të jep më asnjë emocion. Kur kënga që dikur të bënte të qeshje, tani është thjesht një kujtesë që s’mund të kalosh. Zemra e thyer s’pyet për orë, për ditë apo për rrjete sociale. Thjesht… pushon të rrahë njësoj si më parë.
Xhelozia
Nga ana tjetër, xhelozia është e gjallë. Është aktive. Është ajo që të bën të hapësh story-n e dikujt 14 herë në ditë. Të krahasosh veten me dikë tjetër që s’e njeh fare. Të ndihesh sikur po “humb” një garë që askush s’ta ka shpallur. Dhe mbi të gjitha, xhelozia është ndjesia që nuk do ta pranosh kurrë – por të ha përbrenda.
Të dyja janë toksike, por në mënyra të ndryshme:
•Zemra e thyer të bën të ndihesh i/e boshatisur
•Xhelozia të bën të ndihesh i/e pamjaftueshme
Dhe sipas astrologëve?
Shenjat e ujit (Gaforrja, Akrepi, Peshqit) e përjetojnë zemrën e thyer si dramë me skenar Netflix.
Shenjat e ajrit (Binjakët, Peshorja, Ujori) e jetojnë xhelozinë në heshtje, por ua vret çdo ide.
Shenjat e tokës (Demi, Virgjëresha, Bricjapi) përpiqen të duken cool… por e përtypin dhimbjen për muaj.
Dhe shenjat e zjarrit (Dashi, Luani, Shigjetari)? Ato thonë: “Nuk më plas fare!” dhe pas 10 minutash po shikojnë story-n e ish-it nga një profil fake.
Në fund të ditës… të dyja dhëmbin. Por në mënyra të ndryshme.
Njëra për atë që humbe.
Tjetra për atë që s’po arrin.
