I ftuar në emisionin Vizioni i Pasdites,ka qenë Gledisi, i njohur ndryshe si Buçko, një prej ish-konkurrentëve të formatit “Ferma VIP, teksa ka folur dhe për Baby G, për të cilën para ppak ditësh shprehu se kishte pëlqim ndaj saj.
Ndonëse tha se nuk ishte xheloz për gjestet e fundit mes Dijonisit dhe Baby G, ai shtoi se ata kanë deklaruar më herët që janë shok.
Buçko më tej shtoi se ai është tip që dashurohet shpejt dhe e njëjta gjë i ndodhi edhe me këngëtaren, por theksoi se nuk ka hedhur një hap më shumë kur ishte në “Ferma VIP” që të mos shihej si strategji për lojë.
“Baby G është një vajzë e sinqertë dhe shumë e ëmbël. Unë kam shprehur një pëlqim për Baby G por nëse nuk ka një pëlqim reciprok nga ana e asaj nuk ka problem. I shoh që janë shumë simpatik të dy dhe nuk jam xheloz. Ata kanë thënë që janë shok, por nëse Baby G ka diçka më shumë le ta shprehë.
Ndoshta unë dashurohem shumë shpejt, kam pëlqime të shpeshta. Unë nuk e hodha një hap më shumë me Baby G që të mos shihej sikur e përdora për lojë dhe të qëndroja brenda”, tha Buçko.
