Vrasja pak ditë më parë të dy afrikano-amerikanëve nga policia amerikane mblodhi qindra celebrities. Philand Castile u qëllua ditën e së mërkurës teksa kishte ndaluar në trafik me të dashurën e tij, ndërsa një ditë më parë Alton Sterling u qëllua nga policia, ndonëse nuk ishte i armatosur. Vrasjet shkaktuan zemëratë dhe protesta në të gjithë vendin.
Një nga këngëtarët që iu përgjigj më ashpër kësaj masakre ishte Beyonce, e cila ditën e së enjtes postoi një letër në faqen e saj zyrtarë në internet, ku midis të tjerave shkruhej: “Ndihemi të lodhur dhe të neveritur nga vdekja e djemve dhe vajzave të pafajshme të komunitetit tonë. Është në dorën tonë të ngremë zërin dhe t’u kërkojmë të ndalojnë me vrasjet kundër nesh. Nuk kemi nevojë për mëshirë, por për respekt. Kjo është një luftë e të gjithë njerëzimit. Pavarësisht racës, gjinisë apo orientimit seksual. Ko është një luftë e të gjithë atyre që ndihen të shtypur, e të gjithë atyre që po bëhen copash për lirinë dhe të drejtat e njeriu”.
Por këngëtarja nuk e ndali me kaq reagimin e saj. Gjatë koncertit në Skoci të enjten në mbrëmje, këngëtarja e ndaloi shfaqjen për një moment dhe në ekran u pasqyruan emrat e të gjithë afrikano-amerikanëve të vrarë brutalisht nga forcat e rendit, ndërkohë që në sfond dëgjohej hiti “Freedom” në bashkëpunim me Kendrick Lamar.
Presidenti Obama, Jay Z, Brown, Jesse Williams iu bashkuan listës së celebrities që reaguan në rrjetet sociale kundër këtij fenomeni.
Burimi: Daily Mail
