Aktori Julian Deda është një ndër kritikët më të mëdhenj të qeverisë Rama. Ai shfrytëzon çdo rast të mundshëm për të shprehur hapur mendimin negativ që ka për qeverinë aktuale shqiptare. Madje Juli është aktivizuar edhe në organet e Partisë Demokratike.
Por me sa duket babi i vet, Zef Deda, aktori i njohur i humorit shqiptar e ka “tradhtuar” të birin. Në rrjetet sociale po bën xhiron një fotografi e Zefit me kryeministrin e Shqipërisë Edi Rama.
“Nga Shkodra me dashuri”, ka shkruar kryeministri në përshkrimin e fotos.
Ata janë shfaqur në foto me simbolin tipik të PD-së, dy gishtat, por që njëkohësisht e përdori edhe Rama gjatë fushatës. Tashmë ne presim se si do të reagojë Juli.
