Këto ditë festash, programet televizive kanë risjellë në vëmendje aktorët e njohur të humorit që tashmë janë larguar nga ekrani.
E një ndër to është edhe Zef Deda i cili së fundmi në një intervistë ka treguar mbi jetën e tij tani që është në pension.
Ai u shpreh ndër të tjera se ndonëse është “Mjeshtër i Madh” rroga e tij ka qenë e ulët.
“ Sa isha në punë të gjitha i paguaja vetë, tani që jam në pension shoh tavolinën, jam pensionist. “ Mjeshtër i Madh” por rroga ka qenë e vogël por prapë ja kemi bërë qejfin vetes”- tha aktori.
Përpos kësaj Zef Deda është ndalur edhe tek fëmijëria e tij, ku ka treguar disa momente me nënën e tij.
“Kujtoi nënën dhe mundin e saj për të na rritur pasi baba na la të vegjël. Pastruese shkolle ka qenë dhe kursente çdo gjë për ne. Aq para sa kishte mua do më blente gjithmonë libra pasi e shikonte që po bëhesha artist”- tha aktori njohur.
Zef Deda është një nga komedianët më të mirë të Shqipërisë, i cilësuar edhe si Charlie Chaplin i Shqipërisë. Ai ka punuar për më shumë se 40-vite në Teatrin Migjeni të Shkodrës. Zefi është një nga humoristët më të dashur për publikun shqiptar, sidomos atë Shkodran. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
