Nuk është më sekret, që në vitet e fundit, Kim Kardashian ka futur në botën e modës stilin e saj. Pavarësisht se është në tapetin e kuq ose për një drekë me motrat, ylli i “reality-show”-t është shfaqur perfekte dhe në fakt ajo është ndihmuar pafund për t’u dukur në atë mënyrë.
Ndërsa paraqitja e saj e re dhe seksi është për t’u falënderuar edhe nga bashkëshorti i saj Kanye, 35-vjeçarja duhet të falënderojë edhe stilisten e saj Christine Centenera dhe dukshëm që shërbimi i saj nuk vjen shumë lirë.
Sipas “Sunday Telegraph”, Christine fiton rreth 1 milion dollarë në vit për të stiluar Kim-in dhe kjo nuk përfshin koston e veshjeve, po ashtu shpenzimet për flokët dhe makijazhin.
Për ata që nuk e dinë, puna e përditshme e Christine është si një drejtuese mode te “Vogue” në Australi. Dyshja u takua fillimisht në 2011-n, kur Christine punonte si konsultore stili për linjën e modës së Kanye-t dhe që atëherë ka qenë një kombinim i përkryer. Christine raportohet se mund të lëvizë në SHBA për të punuar me kohë të plotë për Kim-in, por kjo ende nuk është konfirmuar.
Burimi: Cosmopolitan
